Mama mwenye mtoto mdogo alitekwa na wanajeshi wa FDLR wakati anatafuta kuni nje kidogo ya kijiji chake. Wapiganaji hao walimtumia kama mpagazi, kubeba mizigo na baadaye kumbaka mmoja baada ya mwingine.
Alipata mimba katika ubakaji huo na baada ya kutoroka kwa msaada wa mke wa kamanda wa FDLR baada ya miezi minne mume wake akamkataa. Mtoto wake aliyetekwa naye alifariki dunia baada ya kuugua malaria. Baadaye alipata mtoto mwingine aliyempa jina na Neema.
